Jitiizer

Jitiizer.

Jitiizer is in Frysktalige popgroep fan Sint Nyk. De groep makket harren eigen sjenre fan Rock-muzyk, de saneamde Tongercore. By it grutte publyk is de groep foaral bekend as "Dy lju mei dy Fryske-flagge-broeken".

Oer De Brêge Links en Trije Minuten Foar Healwei Fiven binne nammen wêrûnder Jitiizer ek optredens jout.

Beskriuwing

De groep is 18 augustus 1991 begûn. Der waard keazen om yn it Frysk te sjongen. Yn 1992 behelle de groep it tredde plak by de Lytse priis fan Snits. Yn 1993 waard de earste demo fan de groep opnaam, Hjir Is Der Ol, yn 1996 krige it in ferfolch troch in yn eigen beheer produsearre earst kompakt skiif, Fryske Tonger Core. Yn 1998 waard de sjonger fan dat stuit, Martin van der Vlugt, nei in mieningsferskil oer de muzikale kar yn goed oerlis ferfong troch Reade Hendrik Boonstra. In jier letter kaam de twadde kompaktskiif fan Jitiizer út, Skop Kont, dy't neifolging krige mei Kup D (2001), Hjir Is Der Ol (2003), Alles út 'e Kast (2006) en De Nije Friezen (2008). Al dizze kompaktskiven waarden yn eigen behear útbrocht.

Njonken har eigen optredens hat de groep ek meidien oan ferskate muzyktoers en oare muzykprojekten. Sûnt 1993 spilet Jitiizer op in grut ferskaat oan eveneminten yn Nederlân en boude de groep in reputaasje op as in wiere liveband. Jitiizer hat ea trettjin optredens op ien dei dien. De band stie yn it foarprogram fan ûnder oare de Band Zonder Banaan, de Heideroosjes, Jovink en de Voederbietels en de Toy Dolls. Yn 2007 wie de groep foar in koart trip nei New York. Yn 2009 binne der tariedings makke foar optredens yn Dútslân, Ingelân en Bonêre.

Op 27 oktober 2009 waard dúdlik dat de groep yn 2010 ophâlde soe te bestean. Op 13 novimber fan dat jier soe yn Sint Nyk it lêste optreden jûn wurde.. Troch omstannichheden hat dit einkonsert plak fûn op 22 jannewaris 2011 en is hielendal fêstlein en te besjen op youtube.

Besetting

• Jan Gosse Brinksma, Josse (19 febrewaris 1969) - Gitaar, sûnt 1991
• Martin Roffel, Bongel (7 july 1975) - Drums, sûnt 1991
• Wilco Kuipers, WilSon (24 july 1968) - Gitaar, sûnt 1991
• Ronald Jellesma, Tommy (22 oktober 1968) - Bas, sûnt 1992
• Hendrik Boonstra, RikuS (5 desimber 1975) - Sang, sûnt 1998

Ynfaller

• Michel Homminga, Hompy (28 juny 1974) - Gitaar/bas, sûnt 1995

Eardere groepleden

• Jan Kuipers, De Gledde - Sang/'Dyksoan', fan 18 augustus 1991 oant septimber 1992
• Klaas Walstra, Wally - Sang, fan 8 jannewaris 1992 oant septimber 1992
• Martin van der Vlugt, Vlugt - Sang, fan septimber 1992 oant begjin 1998

Diskografy

• 1993 Hjir Is Der Ol -- Demo-kassettebân.
• 1996 Frysk Tonger Core -- Kompakt-skiif.
• 1999 Skopt Kont -- Kompakt-skiif.
• 2001 Kup D -- mei njonken de muzyk ek in pear filmpkes.
• 2003 Hjir Is Der Ol -- Kompakt-skiif; digitale ferzje fan de kasettebân.
• 2006 Alles út 'e Kast -- Kompakt-skiif.
• 2008 De Nije Friezen -- USB-stick.
• 2010 Ut 'e skroeven (live) -- Kompakt skiif + DFD.
• 2011 Lêste Toffel - Einkonsert 22 jannewaris (live) -- Youtube.

Sjoch ek

• Fryskemp3.nl

Keppeling om utens

• Webstee fan Jitiizer
• De webstee fan Jitiizer op Hyves
• De webstee fan Jitiizer op Myspace
• De webstee fan Jitiizer op Facebook

Boarnen, noaten en referinsjes

Boarnen, noaten en/as referinsjes:

Promocer